Бұл кітапқа классик жазушы Шыңғыс Айтматовтың «Тау құлаған» және «Кассандра таңбасы» атты осы уақытқа дейін қазақ тілінде жеке кітап болып басылмаған романдары мен «Шыңғысханның ақ бұлты» атты хикаятының аудармалары енді. Орыс тілінен тәржімаланған аударма тілі қазақтың төл шығармасындай жатық, кедір-бұдырсыз. Бұл тұрғыдан келгенде, тауқыметі көп аудармашының жауапкершілігін жазушы Нұрлан Қами жақсы түсініп, мақсатты жұмысты сәтті орындаған.