Мемлекет басшысы 2019 жылғы 2 қыркүйектегі «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына Жолдауында азаматтардың барлық сындарлы өтініш-тілектерін жедел әрі тиімді қарастыратын «Халық үніне құлақ асатын мемлекет» тұжырымдамасын іске асыру жөнінде міндет қойған болатын. Президент осы Жолдауында: «Қазақ тілінің мемлекеттік тіл ре­тіндегі рөлі күшейіп, ұлтаралық қаты­нас тіліне айналатын кезеңі келеді деп есеп­теймін»,– деп атап көрсетті.

Жоғарыдағы екі бағыт аясында ұйымдастырылып отырған бұл семинар-кеңес Президенттің «Ана тілі» газетіне берген арнайы сұқбатынан туындайтын «Қазақ тілін жақсы білетін өзге ұлт өкілдерін қолдау» туралы тапсырмасын жүзеге асыру мен қазақ тілін елдегі ұлтаралық қатынас тіліне айналдыру бағытындағы ұсыныстарды талқылау, шешу жолдарын айқындауды мақсат етеді.

Онлайн бас қосуға қатысушыларды Қазақстан халқы Ассамблеясы төрағасының орынбасары ЖансейітТүймебаев пен ҚР Парламенті Мәжілісінің депутаты Фахриддин Қаратаев құттықтайды.

Шараға Павлодар облыстық еврей этно-мәдени бірлестігінің төрағасы Татьяна Сливинская, «Ватра»Украин мәдени орталығының төрағасы Тарас Чернега, «Қырғызстан-Астана» қоғамдық бірлестігініңтөрағасы Шавкат Исмаилов,«KAZAKH INVEST»ҰК» АҚ баспасөз хатшысы Николай Путилин қатысады.

Өтетін уақыты: 30 қыркүйек 2020 жыл.

Өтетін орны: Нұр-Сұлтан қаласы, Достық үйі.

Басталуы: сағат 11-00.

Журналистер үшін мына сілтеме бойынша тікелей байланыс жұмыс жасайды: 812 7544 2203