Оған қарап отырып, ұстазымыз Рымғали ағамызды көргендей боламыз. Әдебиет арқылы тіл көрінеді, тіл арқылы әдебиет жазылады емес пе, осылай үзбей айтудың арқасында Алаш арыстарынан бастау алған тіл мен әдебиеттің арақатынасы туралы мәселенің басы бұл күнде бері қайырылып келеді».

«Ахаң дегенде есі бар қазақ, әр саналы азамат атсалысуы керек. Ол қазақ әдебиеті теориясының тұғырнамасын жасаған адам. Біздің қолымызға осы бағытта құрал ұстатып кеткен адам. Әдістеме туралы ұлт ұстазының өз пікіріне жүгінсек, «Ұлы істердің әдісі де ұлы болады. Ұлы әдісті үйрету де, үйрену де қиын болады. Ұсақ істің істеу мәнісін білгенмен, істеу әдісін білмей, дұрыстап істеуге болмаса, ұлы істі дұрыстап істеуге болар ма?»

Ахмет Байтұрсынұлының алдында дәстүр болмағандықтан, тыңға түрен салуға мәжбүр болды», – деді Е.Тілешов.

Шара соңында сөз алған академик К.Құрманәлиев ғылыми деректермен дәлелденген дәріс болды десе, Қарағанды мемлекеттік университетінің қазақ әдебиеті кафедрасының профессоры, филология ғылымдарының докторы Жандос Смағұлов бағдарламалық негіз бола аларлық ғылыми еңбек деп атап өтті.