2022 жылғы 9 желтоқсан күні Ш.Шаяхметов атындағы «Тіл-Қазына ұлттық ғылыми-практикалық орталығы Құқықтық және кадр жұмысы басқармасының басшысы Г.Омарова тілтанушы ғалым Бижомарт Сейсенбекұлы ҚАПАЛБЕКТІҢ 60 жасқа толуына орайластырылған «Мемлекеттік тілдің зерттелуі, оқытылуы және қолданылуы» республикалық ғылыми-практикалық конференцияға қатысып, мерейтой иесін құттықтады.

Орталықтың Бас директоры, белгілі ғалым Е.Тілешов қол қойған Құттықтау хатта былай делінген:

«Құрметті Бижомарт Сейсенбекұлы! Әлбетте, қандай ортада болсын мейлі, адамның айналасына әрдайым абыройлы болуы, бірінші кезекте, оның биік болмысы мен тұлғалық қасиетінен хабар береді.  Осы орайда, Сіз қасиетті қазақ тілінің туын биік ұстап жүрген ғалым, елімізге танымал қайраткер ретінде көпшіліктің ыстық ілтипатына бөленудесіз. Әсіресе, біздің ұжымды басқарған жылдарыңызда білікті басшы, тәжірибелі ұйымдастырушы ретінде кеңінен танылдыңыз. Жасыңыз құтты болып, жаңа жетістіктерге жете беріңіз!».

«Qazaq tili» Халықаралық академиясы және Мемлекеттік тілді дамыту институты ұйымдастырған ісшарада Бижомарт Қапалбектің «Ойлар*Ұсыныстар*Тұжырымдар» кітабының тұсауы кесілді.