«Тіл үйретудегі лингводидактикалық тәсілдердің трансформациясы» тақырыбында ұйымдастырылған бұл мазмұнды шара еліміздің әр өңірінен жиналған тіл оқыту орталықтарының оқытушылары мен әдіскерлерін, сондай-ақ тіл басқармаларының өкілдерін ортақ алаңда тоғыстырды.

Іс-шараға ҚР Ғылым және жоғары білім министрлігі Тіл саясаты комитетінің төрағасы Ербол Тілешов және Ш.Шаяхметов атындағы «Тіл-Қазына» ұлттық ғылыми-практикалық орталығының басқарма төрағасы Мақпал Жұмабай қатысып, қазақ тілін оқытудың сапасын арттыру мен әдістемелік жұмыстарды жетілдіру бағытындағы өзекті мәселелерге тоқталды.

17 сәуірде Ш.Шаяхметов атындағы «Тіл-Қазына» ұлттық ғылыми-практикалық орталығында Ғылым күніне орай ұйымдастырылған республикалық «Til-Qazyna» оқулары аясында жас ғалымдардың ғылыми зерттеулер байқауы өтті. Байқаудың мақсаты – тіл саясатын іске асыруға, қазақ тілін меңгеруді тиімді ұйымдастыруға, терминологияны дамытуға және жасанды интеллект көмегімен тілдік міндеттерді шешуге бағытталған ғылыми жұмыстарды қолдау.

Қазақстан Республикасы Тіл саясаты комитеті, Ш. Шаяхметов атындағы «Тіл-Қазына» ұлттық ғылыми-практикалық орталығы жыл сайынғы республикалық терминшілер байқауын бастады! Байқау өтінімі 2026 жылдың 20 сәуір мен 31 тамыз аралығында қабылданады.

Қазақстан Республикасы Ғылым және жоғары білім министрлігі Тіл саясаты комитетінің ұйымдастыруымен тіл саясатын дамытуға үлес қосқан бірқатар азаматтарды марапаттау рәсімі өтті.

ҚР Ғылым және жоғары білім министрлігі Тіл саясаты комитетінің қолдауымен Ш.Шаяхметов атындағы «Тіл-Қазына» ұлттық ғылыми-практикалық орталығы 22–24 сәуір аралығында «Тіл үйретудегі лингводидактикалық тәсілдерді трансформациясы» атты республикалық онлайн семинар өткізеді.

Ғылым қызметкерлері күніне орай Ш.Шаяхметов атындағы «Тіл-Қазына» ұлттық ғылыми-практикалық орталығында «Болашақ ғалымдар – Тіл-Қазынада» атты ғылыми-танымдық шара өтті. Іс-шараға Астана қаласы Нұра ауданына қарасты Назарбаев зияткерлік мектебінің оқушылары қатысты.

Астанада көрнекті ғалым, қазақ ғылымының негізін қалаушылардың бірі, Ұлттық ғылым академиясының тұңғыш президенті Қаныш Имантайұлы Сәтбаевтың туғанына 127 жыл толуына орай ескерткішіне гүл шоқтарын қою рәсімі өтті.

ҚР Парламенті Сенатының Төрағасы Мәулен Әшімбаев бастаған қазақстандық делегация Өзбекстанның Самарқанд қаласында өткен қазақ және өзбек ғылыми-шығармашылық зиялыларының екінші форумына қатысты.

Мемлекеттік тілдің қолданыс аясын кеңейту мақсатында мемлекеттік және ана тілдерін оқыту бойынша оқу-әдістемелік құралдарды баспадан шығару жұмыстары жоспарланып отыр. Осыған орай «Ш.Шаяхметов атындағы «Тіл-Қазына» ғылыми-практикалық орталығы» КеАҚ баспаға оқу-әдістемелік құралдарды қабылдауды бастайды. Өтінімдер 2026 жылдың 10 сәуірінен бастап 28 маусымына дейін қабылданады. Авторларға қаламақы қарастырылған. Байқау ережесі мен өтінім беру формасы қоса ұсынылады 📝.

«Тіл және қоғам» халықаралық ғылыми электрондық журналына жарияланатын мақаланы рәсімдеуге қойылатын техникалық талаптар

ҚР Ұлттық академиялық кітапханасы ғимаратында көрнекті ғалым, филология ғылымдарының докторы Ғарифолла Қабдолқайырұлы Әнестің ғылыми еңбектерінің тұсаукесер рәсімі өтті.

Алматы қаласында өндірістік қалдықтарды қайта өңдеп, құрғақ құрылыс қоспаларын шығаратын жаңа зауыт іске қосылды. Жоба қазақстандық ғалымдардың ғылыми әзірлемелері негізінде жүзеге асқан.

Ш. Шаяхметов атындағы «Тіл-Қазына» ұлттық ғылыми-практикалық орталығы Терминология бөлімінің басшысы, филология ғылымдарының кандидаты Нұрзия Әбдікәрімқызы «Жоғалып бара жатқан түркі тілдерін пәнаралық тұрғыдан зерттеу: Монғолиядағы хотон этнотобы» тақырыбындағы ғылыми жоба аясында жарық көрген «Хотон тілі» монографиясы мен «Хотонша–қазақша–түрікше–моңғолша–орысша–ағылшынша сөздік» кітабының авторларының бірі болды.

"Ш.Шаяхметов атындағы «Тіл-Қазына» ұлттық ғылыми-практикалық орталығы" КеАҚ республикалық «Til-Qazyna» оқулары шарасы аясында жас ғалымдардың ғылыми зерттеулері байқауын жариялайды.

«Тіл-Қазына» ұлттық ғылыми-практикалық орталығының ғалым хатшысы болып филология ғылымдарының кандидаты Жазира Ысқақова тағайындалды.

27 ақпанда ҚР Бас прокуратурасы жанындағы Құқық қорғау органдары академиясында «Конституциялық жаңару жағдайындағы Қазақстан Республикасының заңнамалық терминологиясы: қолдану, түсіндіру және аудару мәселелері» тақырыбында дөңгелек үстел өтті. Аталған шара қазақстандық заңнамадағы терминология мәселелерін кешенді зерделеуге қатысып жүрген ғылыми және сарапшы қауымдастықпен пікір алмасу, конституциялық жаңару жағдайында заңнамалық терминологияны қолдану, түсіндіру және аудару мәселелерін талдау және оны жетілдіру бойынша ұсыныстар әзірлеуге арналды.

2025 жылғы 20–21 қараша күндері Шайсұлтан Шаяхметов атындағы«Тіл-Қазына» ұлттық ғылыми-практикалық орталығының ұйымдастыруымен Республикалық терминология комиссиясының (жаратылыстану-математика бағыты) 5-отырысы өтті. Отырыста дене тәрбиесі және спорт саласына арналған «Комментатор сөздігі» бойынша ұсынылған 614 термин жан-жақты талқыланды.