Шайсұлтан Шаяхметов атындағы «Тіл-Қазына» ұлттық ғылыми-практикалық орталығының мамандары «Руханият» қоғамдық ұйымының өкілдерімен кездесу өткізді.

Кездесу барысында тараптар ғылыми-практикалық іс-шаралар ұйымдастыру және бірлескен жобаларды жүзеге асыру мәселелері жөнінде пікір алмасты. Сондай-ақ тіл мәдениетін көтеру мен оны цифрлық кеңістікте ілгерілетуге қатысты жаңа ұсыныстар қарастырылды.

Жиын қорытындысында қос тарап өзара ынтымақтастықты арттыруға мүдделі екендерін білдіріп, алдағы уақытта нақты жобаларды бірлесе іске асыруға уағдаласты.