Павлодар облысы тілдерді дамыту жөніндегі басқармасының бастамасымен 2018 жылғы 15 мамырда Елбасының «Болашаққа бағдар: рухани жаңғыру» бағдарламалық мақаласын іске асыру шеңберінде қалалық сауда үйлерінде «Қазақшаңыз қалай?» акциясы бастау алды. Аталған іс-шараны ұйымдастыруға «Серпін» бағдарламасы бойынша білім алып жаткан Павлодар мемлекеттік педагогикалық университетінің белсенді студенттері атсалысты.

Акцияның мақсаты мемлекеттік тілдің қолданылу аясын барынша кеңейту және оның қоғамның тыныс-тіршілігінің барлық саласына енгізу болып табылады.

Акцияға қаланың тұрғындары қатысып, қойылған сұрақтарға қазақ тілінде жауап беріп, мемлекеттік тілді білу деңгейлерін анықтады. Акцияның белсенді қатысушылары ынталандыру сыйлықтарымен марапатталды.