КҮН ТӘРТІБІНДЕ ТІЛ ТАЗАЛЫҒЫ

25.11.2020
Қазақстан Республикасы мәдениет және спорт министрлігі Тіл саясаты комитетінің тапсырысымен Ш.Шаяхметов атындағы «Тіл-Қазына» ұлттық ғылыми-практикалық орталығы 2020 жылғы 26 қарашада «Қазақстан Республикасында тілдік ахуалды талдау және оған мониторинг жүргізу» жобасы аясында онлайн режимде «Мемлекеттік тілдің ресми интернет-ресурстар мен көрнекі ақпараттағы қолданысы» атты республикалық семинар ұйымдастырады.

Қазақстан Республикасында тіл саясатын іске асырудың 2020-2025 жылдарға арналған мемлекеттік бағдарламасы аясында «Қазақстан Республикасында тілдік ахуалды талдау және оған мониторинг жүргізу» жобасы жүргізілуде. Жоба аясында мониторингтің екі бағыты қамтылды: көрнекі ақпараттар, ресми интернет-ресурстар. Күні бүгін еліміздің сегіз қаласында (Нұр-Сұлтан, Алматы, Павлодар, Петропавл, Орал, Қарағанды, Қостанай, Көкшетау) көрнекі ақпараттарда және бұқаралақ ақпарат құралдары, оның ішінде орталық және жергілікті атқарушы органдардың, ұлттық компаниялардың және ЖОО-ның ресми интернет-ресурстарында мемлекеттік тілдің қолданысы мен сауаттылығы тексерілді.

Шараның мақсаты – көрнекі ақпарат, ресми интернет-ресурстарға жүргізілген мониторинг жұмыстарын қорытындылау. Осы орайда арнайы сарапшы мамандардың баяндамасы тыңдалып, мемлекеттік тілдің көрнекі ақпаратта, интернет-ресурстарда сауатты рәсімделуі талқыланатын болады.

Онлайн басқосуға орталық және жергілікті атқарушы органдардың өкілдері, Ұлттық компаниялардың жауапты мамандары, ЖОО мен Банктердің қызметкерлері қатысады.

Мемлекеттік тілді ресми интернет-ресурстарда кеңінен қолдануға үлес қосқаны үшін бірқатар мекемелер арнайы алғысхатпен марапатталады.

Онлайн режімде қатысушылар тақырып бойынша өз ұсыныс-пікірлерін ортаға сала алады. Шара қорытындысы бойынша арнаулы қарар қабылданады.

Өтетін мерзімі: 2020 жылғы 26 қараша

Басталу уақыты: 15:00

Өтетін орны: Нұр-Сұлтан қаласы, Сауран 7а, Ш.Шаяхметов атындағы «Тіл-Қазына» ұлттық ғылыми-практикалық орталығының конференц-залы.

Пікірлер (0)
Пікір қалдыру