Ол – Жаңа Қазақстанның жалынды жастарының қатарынан жарқырай көрінуге ұмтылып, бүлдіршіндердің тілін дамытуға, оның ішінде қазақ тіліндегі сөздік қорларын байытуға, көркем сөйлеуге дағдыландыруға бағытталған мобилді қосымша жасауға талаптанып жүрген жас ізденуші.

Өзінің тырнақалды туындысын Тіл саясаты комитетіне жолдапты.

«Қосымшаға ана тілімізде қазақ және өзге де халықтардың ертегілері енген. Ертегілерді оқи және тыңдай отырып, 6-10 жас аралығындағы балаларды оқуға, сауаттануға ынталандыруды көздейді. Сонымен қатар қосымшада балаларға арналған жаттығулар мен ойындар берілген. «Бұлақ көрсең көзін аш» деген, жас талаптың талпынысына Тіл саясты Комитетінің қамқорлық танытып, қолдап жатқанына қуаныштымыз. Біз өз кезегімізде тәжірибемізбен бөлісіп, қосымша бағдарламаны жетілдіру бойынша пікір-кеңесімізді ұсындық»,– дейді Жазира Мақсұтқызы.