Орталықтың Терминология басқармасының басшысы, ф.ғ.к. Бақытгүл Ысқақ жаңадан тағайындалған комиссия мүшелерін құттықтап, жауапты істеріне сәттілік тіледі.

Жаңа құрамның ерекшелігі – Комиссияға терминолог мамандарының, сала мамандарының барынша мол тартылуы.

Атап айтқанда, жаңа құрамда:

Алдаш Айманкүл – А.Байтұрсынұлы атындағы Тіл білімі институты тіл мәдениеті бөлімінің бас ғылыми қызметкері, филология ғылымдарының докторы;

Дулатбеков Нұрлан Орынбасарұлы – Е.А.Бөкетов атындағы Қарағанды университетінің Басқарма төрағасы-ректоры, академик, заң ғылымдарының докторы;

Құрманбайұлы Шерубай – «Астана» халықаралық қаржы орталығы Әкімшілік департаменті директорының орынбасары, филология ғылымдарының докторы және т.б. бар.

Оқырманға түсінікті болу үшін қысқаша анықтама бере кетейік.

Орталықтың «Termincom.kz» сайтында бекітілуге тиісті терминдер тізімі жарияланады. Терминдер тізбесі алдын ала лингвистикалық сараптамадан өтеді. Егер соның ішінде жекелеген терминдер көп дауыс жинап жатса, әрі қарай талқылауға жіберілмейді, бірден шешім шығару үшін жолданады. Терминнің берілген баламасы қолдау таппай, аз дауыс жинаса ол терминдер отырыста талқыланады.

Комиссия мүшелерін «Терминком.кз» сайты ішіндегі электронды алаңда дауыс беру, дауыс парағын толтыру және басқа да Терминком мүшелерінің жұмыс тәртібі баяндалған нұсқаулықпен Терминологиялық басқарманың ғылыми қызметкері Оразкүл Жәдігерқызы таныстырды.