Осымен бірге ел тұрғындарын ұдайы ақпараттандыру қажет. Мұндай жүздесулер сондай ниеттен туған», – дейді Мөлдір Бақытқызы.

Иә, тіл – қай дәуірде де ұлттың тағдыры, болмыс бітімі. Көз ілеспес шапшаңдықпен дамып жатқан замана ағымына ілесу үшін, қазақ тілін сол ұлы көшке қосып, жарқын болашағын қамтамасыз ету қажет.

Әлемдік тәжірибеге көз жүгіртсек, соған қол жеткізудің бір айқын жолы – мемлекеттік басқару жүйесінде қызмет істейтіндердің мемлекеттік тілді еркін меңгеруі, әрі сол саладағы қолданыс аясының кеңеюі. Осы орайда қазақ тілін үйретуге және насихаттауға бағытталған ІТ жобаларға деген құлшыныс көңіл қуантады.

Дәріс барысында «Sozdikqor.kz» платформасы, қазақ тілін деңгейлі оқытуға арналған Tilqural.kz веб-сервисі, «Абай институты», «Emle.kz» пен «Termincom.kz» сайттары жан-жақты таныстырылды.