Қазақ тілін үйренуге ниетті шетелде тұратын қауым! 2024 жылы Абай институты жобасы аясында бірнеше ел мен қалаларда қазақ тілін үйрету үшін офлайн курстар ұйымдастырылады.

“Тіл-Қазына” ҰҒПО 2 мамыр – 9 маусым аралығында республикалық байқау өткізеді. Байқаудың мақсаты – кәсіби терминшілер легін қалыптастыру. Биылғы байқау ақпараттық технология саласының терминдеріне арналады.

1 сәуір – дүниежүзілік математика күні. Осы күнге орай қазақ тілді математика ғылымының дамуына үлес қосқан біртуар тұлғалар туралы құнды мәлімет.

Ғылым күніне орай, 28-29 наурыз күндері Ш.Шаяхметов атындағы «Тіл-Қазына» ұлттық ғылыми-практикалық орталығы мен SDU University бірлесіп «Қазақ тілін технологиялар арқылы оқыту мәселелері: теориядан тәжірибеге дейін» атты республикалық онлайн-семинар ұйымдастырды.

Астана қаласында көру қабілеті нашар жандарға арналған экран дикторы жобасының таныстырылымы өтті. Ш.Шаяхметов атындағы «Тіл-Қазына» ұлттық ғылыми-практикалық орталығы әзірлеген инновациялық жоба қазақ тілінде сөйлейтін, ана тілінде ақпарат алғысы келетін пайдаланушылар үшін айрықша маңызды.

Қазіргі заманда ғылыми-техникалық прогрестің дамуына байланысты оқытудың дәстүрлі формасынан интерактивті, мобильді формасына ауысқанымызға пандемия өз әсерін тигізді.

Мемлекеттік тілдің қолданыс аясын кеңейту мақсатында қазақ тілін шет тілі ретінде оқыту әдістемесін қалыптастыру, шетелдік азаматтар тарапынан сұраныстың артуына байланысты қазақ тілін оқытуға арналған оқу-әдістемелік құралдарының электронды және баспадан шығару жұмыстарын ұйымдастыру, сұранысқа ие бағыттар бойынша жұмыс дәптерлері мен мәтіндер жинағын, әдістемелік жинақтар мен оқу-әдістемелік кешендерін әзірлеу бүгінде өзекті.

Ш.Шаяхметов атындағы «Тіл-Қазына» ұлттық ғылыми-практикалық орталығы өзге ұлт өкілдері арасында дәстүрлі өтіп келе жатқан «Мемлекеттік тіл – тәуелсіздік символы» республикалық байқауын жариялайды.

«Әйел бір қолымен бесікті тербесте, бір қолымен әлемді тербетеді» деген сөз бар. Халықаралық әйелдер күні қарсаңында қазақтан шыққан тұңғыш кәсіби әйел-мамандар, ғылым-білім саласындағы ғалым әйелдер туралы ақпаратты оқырман назарына ұсынамыз.

«Тіл-Қазына» ұлттық ғылыми-практикалық орталығы Тіл саясаты комитетінің тапсырысымен журналистерге арналған дәстүрлі «Мемлекеттік тіл және БАҚ» республикалық байқауын жариялайды.

20 ақпан күні ҚР Ғылым және жоғары білім министрі Саясат Нұрбек Бас редакторлар клубының мүшелерімен еркін форматта кездесу өткізді. Отандық ақпарат кеңістігіндегі белді бұқаралық ақпарат құралдарының тізгінін ұстап отырған журналистерге ғылым мен жаңа технологияға байланысты Қазақстанның ұстанып отырған басым бағыттары туралы кеңінен айтылды. Жаһандық лингвистикалық корпус, үлкен технологиялық форсайт, LLM – үлкен көлемді тіл моделіндегі үлесті күшейту, ғылымның коммерциализациясы, оның ішінде венчурлық инвестиция арқылы экономикалық дамуды қамтамасыз ету маңызды міндеттердің бірі екенініне тоқталды.

ҚР Тіл саясатын дамытудың 2023-2029 жылдарға арналған тұжырымдамасына сәйкес, «А1, А2, В1, В2, С1 деңгейлері бойынша лексикалық және грамматикалық минимумдар әзірлеу» жобасы бойынша онлайн-кездесу өтті

2024 жылғы 14 ақпанда Ш.Шаяхметов атындағы «Тіл-Қазына» атындағы ұлттық ғылыми-практикалық орталығының Бас директоры Мақпал Жұмабай ҚР Ғылым және жоғары білім министрлігінің кеңейтілген алқа отырысы аясында өткен «Қазақстан Республикасында тіл саясатын дамытудың 2023-2029 жылдарға арналған тұжырымдамасын іске асырудың тиімді бағыттары» тақырыбында секция отырысына қатысты.

Өмірімізді гаджеттерсіз, әртүрлі әлеуметтік, экономикалық, коммуникациялық, тағы басқа салалық бағыттардағы сайттарсыз елестете алмайтын болдық. Кез келген мәселе бойынша көлемді ақпаратты осы сайттардан ала аламыз. Zero.kz статистикасына жүгінсек, республика көлемінде білім және ғылым, тауар және қызмет көрсету бағыттары бойынша бір мыңнан астам сайт тіркелген екен.

«Қазақ» газеті туралы сөз болғанда, біз алдымен ұлы Мұхтар Әуезовке жүгінеміз. «Қазақтың еңкейген кәрі, еңбектеген жасына түгелімен ой түсіріп, өлім ұйқысынан оятып, жансыз денесіне қан жүгіртіп, күзгі таңның салқын желіндей ширықтырған, етек-жеңін жиғызған «Қазақ» газеті болатын».

16 ЖАСТАҒЫ ҚЫЗЫЛОРДАЛЫҚ АСЫЛЖАН АБДУЛЛАЕВ – ЖАСАНДЫ ИНТЕЛЛЕКТІНІ ҚАЗАҚША СӨЙЛЕТКЕН ОҚУШЫ

Бүгін Қазақстан Республикасы Ғылым және жоғары білім министрлігі мен Оксфорд университеті арасында өзара ынтымақтастық келісімге қол қойылып, соған сәйкес Оксфорд университетінде қазақ тілін оқыту қолға алынбақ. Ғылым және жоғары білім министрі мен Қазақстанның жетекші жоғары оқу орындарының басшыларынан құралған қазақстандық делегация әлемдегі ең беделді университетіне ат басын тіреді.

Бас редакторлар клубының президенті, ҚР Парламенті Сенатының депутаты Бибігүл Жексенбай бастаған клуб мүшелері ғылыми-әдістемелік және мемлекеттік тілді цифрландыру бағытындағы ІТ өнімдер туралы ақпарат алды. Орталық басшысы Мақпал Жұмабай қонақтарға журналистердің күнделікті жұмысында қолдануға ыңғайлы тілдік жобалармен қатар, қазақша мәтінді дыбысқа айналдыратын және дыбысты мәтінге айналдыратын Telegram-бот жүйесі туралы толығырақ баяндап берді.