Токио қаласындағы Жапон тілі мен лингвистикасы ұлттық институтында (NINJAL) өткен ғылыми кездесуде орталығымыздың бас директоры Мақпал Құрманжанқызы Жұмабай Ахмет Байтұрсынұлының «Таңдамалы шығармалар» кітабының ағылшын тіліндегі нұсқасын институт өкілдеріне сыйға тартты.

Шайсұлтан Шаяхметов атындағы «Тіл-Қазына» ұлттық ғылыми-практикалық орталығының делегациясы Жапон тілі және лингвистикасы ұлттық институтында (NINJAL) ресми ғылыми кездесу өткізді.

Жапонияның Фукуока қаласындағы Kyushu университетінде өтіп жатқан ICLL 2025 – 9-шы Халықаралық лингвистика және әдебиет конференциясының панельдік сессиясында Шайсұлтан Шаяхметов атындағы «Тіл-Қазына» ұлттық ғылыми-практикалық орталығының ғалым хатшысы Дана Жаңабекқызы Оспанова «QazEmoling: Эмоциялар тілі – корпус лингвистикасы арқылы қазақ тіліндегі эмоциялық құрылымдарды зерделеу» тақырыбында мазмұнды баяндама жасады.

2025 жылғы 15–17 шілде аралығында Жапонияның Фүкүока қаласында өтіп жатқан ICLL 2025 – 9‑шы Халықаралық Лингвистика және Әдебиет Конференциясына орталығымыздың Бас директоры Мақпал Құрманжанқызы Жұмабай, атқарушы директоры Лиза Қожаққызы Есбосын және ғалым хатшысы Дана Жаңабекқызы Оспанова қатысуда.

«Тіл‑Қазына» ұлттық ғылыми‑практикалық орталығының Ғалым хатшысы болып Дана Жаңабекқызы Оспанова тағайындалды.

Шайсұлтан Шаяхметов атындағы «Тіл‑Қазына» ұлттық ғылыми‑практикалық орталығының бас директоры Мақпал Жұмабайдың жетекшілігімен орталықтың ғылыми кеңесінің отырысы өтті. Жиында орталықтың қызметін жетілдіру, ғылыми бағыттарды нығайту мәселелері жан‑жақты талқыланды.

2025 жылдың мамырында Республикалық терминология комиссиясының кезекті отырысы өтті. Комиссия отырысы жаратылыстану-математика бағыты бойынша терминдерді қарау мен бекітуге арналды.

Халықаралық «Қазақ тілі» қоғамы» қоғамдық бірлестігі мен «Шайсұлтан Шаяхметов атындағы «Тіл-Қазына» ұлттық ғылыми-практикалық орталығы» КеАҚ өзара ынтымақтастық туралы меморандум қабылдады.

2025 жылғы 21 мамыр күні Л.Н. Гумилев атындағы Еуразия ұлттық университетінде алғаш рет ұйымдастырылған «Ана тілі» республикалық зияткерлік олимпиадасының жеңімпаздарын марапаттау рәсімі өтті. Олимпиаданы Халықаралық «Қазақ тілі» қоғамы мен «Білім-Инновация» халықаралық қоғамдық қоры бірлесіп жүзеге асырды.

2025 жылғы 14–16 мамыр аралығында Шайсұлтан Шаяхметов атындағы «Тіл-Қазына» ұлттық ғылыми-практикалық орталығының ұйымдастыруымен «Лексика-грамматикалық минимумды қолдану жолдары» атты республикалық онлайн-семинар өтті.

Қонаев қаласында өткен «Мемлекеттік тіл саясаты: тәжірибелер мен инновациялар» атты республикалық тәжірибе алмасу семинарының қорытынды бөлімінде мемлекеттік тілдің дамуына үлес қосқан азаматтар арнайы марапатталды.

Мемлекеттік тіл саясаты аясында жаңа серіктестік орнады!

2025 жылғы 21 сәуірде Қазақстан Республикасы Ғылым және жоғары білім министрлігінің Тіл саясаты комитеті және Шайсұлтан Шаяхметов атындағы «Тіл-Қазына» ұлттық ғылыми-практикалық орталығы нормативтік құқықтық актілерде қолданылатын терминдер мен сөз тіркестерінің бірыңғай сөздігін әзірлеу бойынша республикалық семинар өткізді.

ҚР Ғылым және жоғары білім министрлігінің Тіл саясаты комитеті мен Ш.Шаяхметов атындағы «Тіл-Қазына» ұлттық ғылыми-практикалық орталығы мемлекеттік органдар мен ұлттық компаниялардың ресми интернет-ресурстарында тілдік заңнаманың сақталуына мониторинг жүргізу бойынша республикалық онлайн/офлайн семинарын өткізді.

Түркістанда 1-3 сәуір аралығында «II Қазақ тілі – ғылым тілі: жасанды интеллект және терминология» атты халықаралық симпозиум өтті.

Мемлекеттік тілдің қолданыс аясын кеңейту мақсатында мемлекеттік және ана тілдерін оқыту бойынша оқу-әдістемелік құралдарын баспадан шығару жұмыстары жоспарланып отыр.

Қазақстан Республикасының Президенті Қасым-Жомарт Тоқаев 14 наурызда өткен Ұлттық құрылтайдың төртінші отырысында Абай институтын дамыту бойынша маңызды бастама көтерді.

«Тіл және қоғам» альманағын БҒСБК (КОКСОН) тізіміндегі ғылыми журнал ретінде және қазақ, орыс, ағылшын тілінде шығару міндеті қойылды. Осыған орай альманах ендігі жерде халықаралық ғылыми журнал болып өзгерді. Осы өзгеріске байланысты журналдың тілі, таралу аумағы, тақырыптық бағыты, шығару мерзімі өзгеретіндіктен 2024 жылғы 19 маусымдағы № 93-VIII «Масс-медиа» туралы Қазақстан Республикасы Заңының 22 бабы, 5 тармақшасына сәйкес ҚР Ғылым және жоғары білім министрлігі, Тіл саясаты комитетінің «Тіл және қоғам» журналы ҚР Мәдениет және ақпарат министрлігі Ақпарат комитеті республикалық мемлекеттік мекемесінен қайта тіркеуден өтіп, мерзімді баспасөз басылымын, ақпарат агенттігін және желілік басылымды қайта есепке қою туралы №KZ68VPY00111810 куәлігін алды.